Duha ka tao nga nanigbas og iro ikiha

Davao City – Mag-atubang og kasong kalapasan sa RA 8485 kun Animal Welfare Act batok sa duha ka mga suspetsado kinsa gituohang nanigbas og binuhing iro.

Mga suspetsado mao sila Tennessee Antolo, hingkod ang edad ug Ian Silana parehong residente sa Bacaca Barangay 19-B siyudad sa Davao.

Kahinumdoman mireklamo sa kapolisan sa San Pedro ang usa ka Grace Balante batok sa duha ka suspetsado nga mitigbas sa iyang iro ug gipatiran sa way igong hinungdan rason nga nakaangkon og samad tinigbasan ang iro sa tuong liog nga bahin.


Gikatakda karon adlawa ipasaka ang kaso ngadto sa korte batok sa duha ka suspetsado nga padayon pang gipangita karon sa kapulisan.

RadyoMaN Don Pulayao

Facebook Comments