Duha ka tulisan nadakpan

Davao City – Nahog ra gyod sa kadugayan sa kamot sa mga otoridad ang mga tulisan nga maoy responsabli sa mga tulis nahitabo sa Sasa Area.

Subay ani, hingpit na usab napasakaan og kaso sa Sasa Pnp ang mga tulisan nga mao sila John Raymund Bueno ug Jember A Cabatinaga, 18 ug pulos nagpuyo sa Zone 4 Fatima, Km11 Sasa ning siyudad.

Ang mga suspek positibo gitudlo sa ilang katapusang biktima nga si Sarah Rabusa, dalaga, sales agent, ug residente sa Lanang ning dakbayan.


Suma ni Rabusa nga gitulis kini sa duha ug pugsanon gilabni ang dala nga bag sulod ang wallet, ug personal nga butang.

Matud ni PO1 Idal, miresponde sila sa may Jerome Extension tungod sa commotion 12:30 sa tunga sa kagabhion apan damha sa pulis nga gitulis diay niining duha ang biktima.

Nahitabo ang ginukdanay hangtud na-corner sa kapulisan ang mga suspek diin narekober gikan sa ilang possession ang bag sa biktima.

Padayon pa nabalhog sa selda sa Sasa Pnp ang mga dinakpan.

RadyoMaN Joel Viray

Facebook Comments