Ang nihi-usang elemento sa Sindangan MPS, operatiba sa Zamboanga del norte PPO ug 901st RMFB9 nagpahigayon kini ug operasyon didto sa Libay, Sibutad.
Malampuson nga naaresto ang usa ka pinangita sa balaod nga si Ricky Ruiz Cruda, 48 anyos, molupyo sa Brgy. Bantayan, sakop sa lungsod sa Sindangan.
Aduna kini kasong pagpanglugos ilawom sa R.A 7610 adunay CC no. S-5382.
Walay pyansa nga gerekomendar ang korte sa maong dinakpan ug kasamtangan na kini karong nagtingkagol sa balay bilangguan.
Samtang, laing operasyon ang gihimo sa kapulisan sa lungsod sa Mutia, Rizal ug Zamboanga del norte PPO bitbit ang warrant of arrest padulong sa Brgy. Pob. Mutia batok kang Jofey Tagapan Gamo alyas Tito Gamo, 53 anyos nga taga Sapang Dalaga, Misamis Occidental.
Si alyas Tito Gamo, aduna kini tanggong nga warrant of arrest nga gi isyu ni Rogelio D. Laquijon, sa RTC 9th Judicial Region, Branch 7, Dipolog City, tungod sa kasong Murder.
Giila kining Top 2 most wanted person sa Rizal MPS.
Ang maong dinakpan anaa na kini karon sa kustudiya sa kapulisan sa Rizal alang sa pormal nga pagpasaka sa kaso.
