Duha ka wanted persons, gisikop atol sa Independence Day

Gisikop sa kapulisan sa Misamis Oriental ang duha ka wanted persons atol sa Adlaw sa Kagawasan sa nasud.

Mga alas otso sa buntag, unang nasikop sa Laguindingan Municipal Police Station mao si Gino Lomongo, 29 anyos, ulitawo ug taga Zone 1, Liberty, Laguindingan, Misamis Oriental.

Si Lomongo dunay warrant of arrest tungod sa kasong qualified theft.


Temporaryong makagawas ang suspek kung makapiyansa kini og 24-mil pesos.

Samtang nasikop usab sa kapulisan sa Claveria Municipal Police Station mga alas onse sa buntag ang lain pang wanted person.

Kini mao si Jimmy Gonzales, 25 anyos, ulitawo ug taga Don Gregorio, Pelaez, Claveria, Misamis Oriental.

Gisikop si Gonzales tungod sa kasong paglapas sa Section 77 sa Presidential Decree 705 o mas nailang Forestry Reform Code of the Philippines.

Makagawas lamang ang suspek kung makapiyansa kini sa 40-mil pesos.

Facebook Comments