Duha kalalaki nadakpan sa buy bust operation

Pagadian City – Malampusong nadakpan sa kapulisan ang duha ka mga lalaki sa gilusad nga buy bust operation kaganihang ala una sa kadlawon sa Purok Riverside, Balangasan, Pagadian City.
Ang mga dinakpan nailang sila si JASON SENTURIAS SUSON a.k.a. “JASON”, 22 anyos, usa ka labourer ug residente sa Purok Malinawon, Santiago, Pagadian City ug si MELVIN LARIDE LOOC a.k.a. “MARVIN” 30 anyos, usa ka janitor ug lumulupyo sa Purok Marigold, Bulawan, Pagadian City.
Nakumpiska sa Drug Enforcement Team gikan sa mga suspek ang 14 ka mga gagmayng pakete sa gitoohang shabu, usa ka sling bag, duha ka cellphone ug ang 500 pesos nga salapi isip marked money.
Gibana-banang mobalor sa 7 mil pesos ang kinatibuk-ang kantidad sa mga nakumpiskang shabu.
Ang mga dinakpan ang kasamtangang gikustodiya sa Pagadian City Police Station ug giandam na ang kasong paglapas sa R.A 9165 o mas nailang “Comprehensive Dangerous Drugs Act of 2002” batok sa mga suspetsado.

Facebook Comments