Duha na narekord nga patay sa balatian nga dengue sa South Cotabato.

23

Padayon ang pagsaka sang kaso sang balatian nga dengue dire sa probinsya sang South Cotabato tungod sa subong nagalab-ot na sa 929 kag duha na ang narekord nga patay nga halin sa Brgy. Kipalbig sa banwa sang Tampakan kag Silway 8 sa banwa sang Polomolok, base sa ulihi nga datos sang Provincial Epidemiology Surveillance Unit halin Enero 1 tubtob March 9 subong nga tuig.
Ang nasambit nga kaso ang mataas sang 167% kumparar sang nagligad nga tuig sa kapareho nga period.
Yara naman sa edad nga isa ka bulan tubtob 88 –anyos ang naigo sang nasambit nga balatian nga lunsay mga lalaki.
Nagapanguna naman sa may mataas nga kaso sang balatian nga dengue ang syudad sang Koronadal nga may 192, nagasunod ang banwa sang Tupi – 126, Polomolok -113, Surallah – 104, Banga -90, Tantangan – 85, T`boli – 77, Tampakan -45, Lake Sebu kag Norala may tig -36 ka kaso kag Sto. Niño – 45.
Samtang ang mga barangay nga may clustering sang kaso sang dengue amo ang mga barangay sang San Vicente, Rizal Pob., Malaya & Lamba sa banwa sang Banga, Koronadal City (Sto. Niño, Morales, Zone II, Zone III, Zone IV, San Isidro, Carpenter Hill, Sta. Cruz & GPS), Lake Sebu (Upper Maculan), Norala (Poblacion), Polomolok (Silway 8, Cannery Site, Poblacion,Lumakil), Santo Niño (Manuel Roxas), Surallah (Libertad, Centrala, Dajay, Lamian, Duengas, Moloy & Lamsugod) Tampakan (Lampitak, Tablu, &Lambayong), Tantangan (Dumadalig & Poblacion), T’boli (New Dumangas, Laconon & Sinolon), Tupi (Simbo, Acmonan, Palian, Polonuling, Cebuano, Bololmala, Crossing Rubber & Poblacion).
May-angot sini, padayon ang pagpang-awhag sang pamunuan sang Provincial Health Office sang South Cotabato sa mga pumuluyo nga ipatuman ang isa ka minuto nga pagpangita sang ginaitlugan sang lamok nga nagadala sang balatian nga dengue.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments