General Santos City– Patay sa gipahigayong operasyon sa mga personahe sa Regional Police Drug Enforcement Unit (RPDEU)- 12 silang Edgar Alberca, 51 anyos usa ka panday nga nanimuyo sa Prk. 6, New Society, Barangay Apopong ug Tho Tiban, 36 anyos nga nanimuyo sa Purk 11-C barangay Fatima ning syudad human misukol matud pa sa kapulisan.
Unang gi-operasyonan si Alberca alas 7:00 sa buntag sa Barangay Apopong kung asa nakuha usab sa iyahang posiyon ang mga droga ug armas nga gigamit niini, samtang ala 1:00 sa hapon napatay usab sa kapulisan si Tiban sa gipahigayong operasyon sa barangay Fatima.
Gikabutyag ni Police Lieutenant Col. Lino Capellan ang tigpamaba sa Police Regional Office-12 nga parte sa simultaneous anti-criminality law enforcement operation sa Rehiyon -12 ang gihimong sunod-sunod nga operasyon karon sa ilahang sakop kung asa wala lang kini nagsentro sa iligal nga droga sanglit lakip usab ang illegal gambling, wanted person ug uban pang police operation.(CDS)
