Duha patay sa Tigatto ug mga residente gidid-an sa pag-inum sa tubig sa balon

Davao City – Nagpahimangno karon si Barangay Tigatto, Buhangin District, Kapitan Lito Lapitan sa mga nagpuyo sa Purok 10 sa ilang barangay nga gidili una ang pag-inum sa tubig gikan sa mga balon.

Segun ni Lapitan, iya nang gipasusi ang lugar sa mga personahe sa Barangay Health Workers ug mga Sanitary Inspector aron makuhaan kini og sample ang tubig gikan sa balon.

Dugang sa Kapitan, dili pa nakompermar kung diarrhea outbreak ba ang nahitabo sa iyang barangay tungod kay nagpadayon pa ang pagsusi sa tubig.


Nagpasidaan si Lapitan sa kapin 20 ka pamilyang nagpuyo sa maong purok nga dili gamitong pang-inum ang tubig sa balon ug mopalit nalang og tubig nga ma-inum gikan sa mga refilling station aron luwas.

Kahinumduman, duha na ang namatay, samtang usa ka purok leader ang anaa pa karon sa tambalanan tungod sa diarrhea.

RadyoMaN Don Pulayao

Facebook Comments