Duha patay ug upat samaran sa vehicular accident sa Misamis Oriental

315

Duha ang patay samtang upat ang samaran sa nahitabong vehicular accident sa Tagoloan, Misamis Oriental kagahapon sa kadlawon.

 

Matud ni Police Staff Sergeant Loel Miniano sa Tagoloan Municipal Police station,  naila ang mga namatay nga sila si  Jude Narciso Ascuna, 25 anyos, taga Saint Ignacius Barangay Macasandig ning syudad, ug Lester Cabando kinsa angkas sa XRM nga motorsiklo nga gimaneho sa usa  ka Joel Bacus.


 

Dugang pa ni Miniano nga nahitabo ang aksidente ala 1;50 sa kadlawon sa karaang tulay sa Santa Cruz Tagoloan, diin tulo ka motorsiklo ang nalambigit sa aksidente.

 

Nasayran nga mi-overtake sa usa  ka sakyanan ang motorsiklo nga gimaneho ni Ascuna apan nakurat kini dihang anaa sa pikas lane ang xrm nga motorsiklo nga gimaneho ni Bacus.

 

Dihang makita ni Bacus ang motorsiklo ni Ascuna, misulay kini og likay hinungdan nga nabangga niini ang usa pa ka motorsiklo.

 

Tungod sa kakusog sa impact sa pagkabangga ni Ascuna sa motorsiklo ni Bacus, milagpot ang angkas niini nga si Cabando nga nagresulta sa head injury nga maoy hinungdan sa kamatayon.

 

Samtang si Ascuna ang natusok ang tiyan nga nagresulta sa pagkahabwa sa mga inner parts.




 

Samtang nakainum nga nagmaneho sa iyang motorsiklo si Jude Narciso Ascuna.

 

Matud ni Police Staff Sergeant Loel Miniano sa Tagoloan Municipal Police station, nga adunay tatak nga ‘’skybar’’ sa kamot si Ascuna, ug nanimahong  ilimnon ang angkas niini nga si Shelvicara Sedayun Cabunoc, 25 anyos, minyo taga Sihayon Santa Cruz, Tagoloan Misamis Oriental.

 

Nasayran nga ihatud unta ni Ascuna si Cabunoc,dihang nahitabo ang aksidente.

 

Sa karon padayong gitambalan sa hospital ang mga angkas,  sa nalambigit nga motorsiklo.

Facebook Comments