Duha, samaran sa vehicular accident karong buntag

99
PC: RadyoMaN Annaliza A. Reyes

Samaran ang duha ka lalaki sa nahitabong vehicular accident pasado alas otso karong buntag sa Macapagal Drive, Zone 9, Anhawon, Bulua ning syudad.

 

Ang biktimang si Francisco Neri, taga Zone 7, Bulua ug usa ka miyembro sa Bulua Single Motor Operators and Drivers Association, Incorporated ang nakahigda sa dalan sa dihang gikuha sa taga Oro Rescue sakay sa ilang ambulance ug gidala sa ospital.


 

Samtang, samaran usab nga gidala sakay sa ambulance sa Cagayan de Oro City Fire District si Johnry Paclar, 31 anyos, taga Barangay Bulua ug usa ka mason.

 

Matud ni Paclar nga paingon unta siya motrabaho sa Calaanan, Barangay Canitoan ning dakbayan sakay sa iyang motorsiklo sa dihang iyang nabanggaan ang motorsiklo nga gimaneho ni Neri nga mi U Turn duol sa firing range.

 

Dali usab nga nakareponde sa lugar ang mga barangay traffic enforcers nga maoy nag-atiman sa dagan sa trapiko sa dihang nakahigda pa sa tunga sa dalan ang usa ka biktima.

 

Miabot usab sa area ang mga pulis gikan sa Bulua Police Station nga mihimo sa imbestigasyon.

Facebook Comments

From Advertisers