Duha samdan sa Maa fire

Davao City – Padayon pang giatiman sa Southern Philippines Medical Center (SPMC) ang duha ka menor de edad human mangapaso sa pagkasunog sa panimalay sa ilang apohan sa Purok 34, Barangay Maa, Diversion Road, Davao City, alas 3:00 sa kahaponon.

Mga biktima mao sila si Gian Garcia, 5 anyos, ug Styler Garcia, 2 anyos, nga pulos naka agom og second degree burn nga ubos na sa pag-atiman sa mga doktor sa Burn Center sa SPMC.

Sa blotter sa Talomo PNP, nagsugod ang kalayo sa panimalay ni Dulla Valencia ug mikatay kini sa laing upat pa ka mga panimalay nga pulos naugdaw sa kalayo.


Sa imbestigasyon sa Bureau of Fire Protection (BFP), nasayran nga faulty electrical wiring ang hinungdan sa maong sunog samtang ang damyos mukabat sa 150-mil ka pesos.

Gideklarang fire-out ang insidente pagka alas 4:00 sa kahaponon.

RadyoMaN Erin Lumosbog

Facebook Comments