Dul-an 5K quarantine violators naaresto

Davao City – Mikabat sa 4,902 ka mga malapason ang nadakpan sa mga awtoridad subay sa gipatumang community quarantine dinhi sa dakbayan sa Davao gikan Marso hangtod Agosto 16 ning tuiga.

Gibutyag ni Davao City Police Office (DCPO) City Director Police Col. Kirby John Kraft sa interview sa DXDC RMN Davao, ang tanang violators nakasohan na diin 1, 963 ang na-file nga kaso.

“Iyon po under Executive order natin na pinalabas in relation sa violation sa Republic Act 11332,” sumala ni Kraft.


Sukad niadtong Marso, miabot na 1, 488 ka violators ang nadakpan sa curfew hours, 413 sa liquor ban, 401 sa social distancing/mass gathering, 157 sa face masks, 166 sikop nga walay protective barriers sa mga angkas ug 2,443 sa FM Pass.

Samtang, 148 ka tawo ang wala makasakay sa mga pampublikong sakyanan subay sa gipatumang No Face Shield, No Ride Policy.

RadyoMaN Aimee Guinita

Facebook Comments