Davao City – Gipailawom sa profiling ang dul-an 600 ka tawo atol sa gilusad nga Oplan Kalinaw sa San Pedro ug Sta. Ana PNP partikularmente diha sa Purok 2-4, Brgy. 4-A ug Purok 1, Brgy. 29-C ning siyudad sa Davao.
Sa datus gikan San Pedro PNP, 109 ka tawo ang nakabenepisyo sa free medical mission, 109 usab ang natagaan og vitamins, samtang tulo ka wanted person ang nasikop nga dunay warrant of arrest diin kini mao sila si Jayson Absin sa kasong homicide, Leonardo Pendol sa kasong statutory rape, ug Ryan Uyanguren sa kasong theft.
Samtang sa Sta. Ana PNP, tulo ka wanted person ang arestado human nasilbi ang warrant of arrest ngadto kang Cherry Rose Villamor sa kasong estafa ug kasong malicious mischief kanila Alberto Castañeros Jr. ug Alona Castañeros.
RadyoMaN Don Pulayao
