Dul-an 70 kanhi rebelde nakadawat og livelihood assistance

28
Davao City – Mokabat sa 68 ka mga kanhi rebelde sa Davao de Oro human nitahan sa gobyerno ang nakadawat og livelihood assistance ilawom sa Enhanced Comprehensive Local Integration Program (ECLIP) sa Department of Interior and Local Government (DILG) ug Provincial Government of Davao de Oro niadtong Mayo 11, 2022.

Sa report sa 60th Infantry Battalion (IB), anaa sa walo nga ilang na-rescue ang nakadawat og P520,000 nga cash assistance ug P528,000 alang sa firearms renumeration.

Samtang, ang ubang mga kanhi rebelde gikan sa holding units sa 1001st Infantry (PAG-ASA) Brigade nakadawat usab sa ilang assistance atol sa usa ka seremonya sa Capitol, Nabunturan, Davao de Oro.

Nanghinaut usab ni Reynaldo Mapagu, Department of National Defense (DND) Undesecretary ug Chair usab sa Task Force Balik Loob, padayong suportahan ang E-CLIP sa musunod nga administrasyon mapa-lokal ug nasyunal aron padayong matabangan nga makabalik nga malinawon sa komunidad ang mga kanhi rebelde.

“The current success of the E-CLIP is due to the unprecedented support of our local chief executives (LCEs), and as the administration of President Rodrigo Duterte nears its conclusion and a new set of elected officials take the helm of national and local posts, I am hopeful that assistance for our brothers and sisters who returned to the fold of the law will be sustained,” sulti ni Mapagu.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments