Dul-an sa 20 ka mga tinun-an sa high school sa St. Louise Mirallac College of Bogo City ang nakasinati og pagkaluya ug pagpamuypoy sa lawas kaganihang buntag.
Matud sa hepe sa Bogo City Police Station Supt. Bayron Allatog, nga atol sa usa ka aktibidad sa nahisgutang tunghaan, taliwa sa naglagiting nga kainit, kalit nga nakuyapan ang usa ka tinun-an nga maoy naka ingun sa pagpanic sa ubang mga estudyante.
Tungod sa kalit nga pagkaluya ug pagpamuypoy sa lawas daling gidala sa school clinic ang mga tinun-an ,apan ang siyam nga nakasinati sa maong balatian gidala sa Severo Verallo Memorial District Hospital sa Bogo City aron mahiling.
Matud sa attending doctor nga si Dr. ALmera Lyn Ancajas ,nga ang mga bata nakasinati og hyperventilation basi sa gipakitang niining mga sinyalis.
Ang mga tagduma sa St. Louise Mirallac College nga ilang gisuspenso ang klase sa maong tunghaan karong adlawa tungod sa insidente ug mobalik sa normal operation ugmang adlawa.
Samtang gitakda usab nga mo-convene ang mga opisyal sa nahisgutang tunghaan aron tukiun ang insidente , alang usab sa pagluwat og opisyal nga pamahayag sa publiko.
