Sa interbyu sa DXDC RMN Davao kang Senior Fire Office (SFO) 2 Arnold Balyarta, Investigator sa Buhangin Fire Station, gibutyag niini nagsugod ang kalayo sa bunkhouse likod sa usa ka balay nga gipuy-an sa usa ka Anunciacion Ondong, 64-anyos, tungod sa napasagdang gi-charge nga cellphone.
Matud ni Balyarta, tungod kay gama sa plywood, paspas nga mikanit ang kalayo ug miugdaw sa lima ka partition nga bunk house. Samtang, partially damaged usab ang balay sa atubangan.
“According sa mga testigo, natulog daw ang uban. Ingon ato ka(paspas) kay light materials man gud ni siya. Advance na kaayo ang kalayo. Wala na makakuan. Kuan man gud ni ang nasunog, bunk house nila sa likod, extension ba,” saysay sa inbestigador.
Alas 4:57 sa hapon under control na ang sunog ug nadeklarang fireout alas 5:04 sa hapon. Anaa sa P50,000 ang initial damage.
RadyoMaN Kirby Manzon
