General Santos City—Migula sa imbistigasyon sa Traffic Management Unit (TMU) nga ang driver sa mini dump truck nga si Jerome Pagangon nga taga Dagohoy Paradise, Barangay North Gensan ang dunay sayop sa disgrasya sa kadalanan nga nahitabo sa diversion road, barangay sinawal nga gikamatay sa usa ka biktima ug pagkaangol sa usa pa.
Sumala ni Po2 Lemuel Aves, traffic Investigator sa TMU nga alas 2:30 ang takna niadtong nakalabayng adlaw dihang nabanggaan sa mini Dump truck ang motorsiklo sa mga biktimang silang si Jelly Laurente ug Anthony Decatoria, nga pulos taga Gensan nga igo rang nagparking daplin sa dalan samtang naghuwat nga muhunong ang ulan.
Sumala ni Aves nga subay sa pahayag sa mga testigo nga kusog ang dagan sa mini dump truck, iyang gilikayan ang motorsiklong nagdagan sa highway, pag break niini nituyok ang maong sakyanan padulong sa nahimutangan sa mga biktima. patay si Jelly samtang angol usab si Anthony.
Gihingusgan ni PO2 Aves nga wala unta nahitabo ang insidenti kung hinay lang ang padagan ni driver nga si Paganon sa iyang sakyanan.
