Dumptruck nga byahe gikan sa Zamboanga del Sur nadisgrasya, usa patay, 14 samaron

Usa ang patay samtang 14 ang samaron human na-aksidente ang sakyanan nga nagbyahe gikan sa lungsod sa Molave niining probinsya sa Zamboanga del Sur dihang nabalintong didto sa Sitio Upper Riverside, Poblacion, Siayan, Zamboanga del Norte alas 6:45 niadtong nakalabay nga gabii.
Sa imbestigayon sa kapulisan samtang nagdagan ang Mini-Dump truck, nga nagtangag sa plaka number YKR 671, gimaneho ni JUNIE ESIO OPIAR, 28 -anyos, taga-Parasan, Molave, nga kargado sa metal construction materials uban ang (15) ka pasahero nga paingon unta sa Sindangan, Zamboanga del Norte apan pag-abot sa Poblacion, Siayan nawad-an ug control ang driver driver ug nahagbong ngadto sa kanal hangtud nga naligid rason nga nangalagpot sa lain-laing direksyon ang mga sakay niini.
Dead on Arrival sa Siayan Diagnostic Center ang nakasakay nga 18-anyos nga si Junjun Montecillo,lumulupyo sa Brgy. Licabang, Dumingag nining probinsya.
Samaran usab sila si Alvin Dunque, Jomar Maata, Jessie Secretaria, nga pulos taga Tukuran, Zamboanga del Sur.
Lakip nga nag-antos sa samad ug bun-og sa kalawasan sila si Roy Andoy, taga-Dumingag, Pederano Ligutom, Ronie Mangubat, Jay-Ar Adla, Ariol Ticol, Roldan Angilay, Alboy Ticol, Jose Laylay, Toto Sumayong, Jenifer Sumayong, parehong lumulupyo sa Katipunan, Zamboanga del Norte, samtang si Rolando Adizer, 28 -anyos, taga-Arapok, Molave, ang nagpa-alim pa sa seriyusong injury diin bali ang bukton niini.
Gikustodiya karon sa Siayan Municipal Police Station ang driver sa maong dump truck.

Facebook Comments