Dumptruck sa basura bayaran ug P 42,000 matag bulan sa brgy

Kung ang term of payment  5 ka tuig P 42,000 ang binulan nga bayaran sa barangay matag bulan.
Apan Giklaru ni ABC President Gemma Tabada nga dili P 42,000 ang bayran sa mga barangay kondili P 33,000 na lamang matag buwan kung bayaran sulod sa pito ka tuig.
Ang mga dump truck anaa pa sa city hall bisan pipila na ka bulan kini naabot gikan sa supplier.
Ipautang kini sa  43 ka mga urban barangay dinhi sa dakbayan sa Butuan.
” Niya pa nga niubos ngadto P 33,000 ang bayaran sa barangay ngadto sa City Treasurers’ Office matag buwan, gumikan kay gilugwayan usab sa LGU Butuan ang pagbayad niini ngadto sa 7 ka tuig imbes 5 ka tuig”, sumala pa ni Tabada.
Nagtoo ang opisyal nga kaya’ng bayaran sa mga barangay ang maong kantidad tungod kay nagpasar usab sila ug ordinansa nga magkolekta ug tag 20 pesos kada buwan ang matag kabalayan aron idugang nga pundo sa pagbayad sa mini-dump truck.
Gipaniguru ni ABC President Tabanda nga lig-on ang mga unit tungod kay brand new kini ug branded pa gikan sa Japan.
Angay masayran adunay pipila ka barangay officials nga ga duha duha kung makaya ba nila ang maong binulan nga amortization.
Sent from my Samsung Galaxy smartphone.

Facebook Comments