DUNGGAB|Ginang gidunggab sa kaipon-Patay

38

General Santos City–Patay ang usa ka Carlita Calonzo, 44, nga nanimoyo sa Olarte State Barangay Labangal, Gensan human nga gidungab sa makadaghan nga higayon sa iyahang live-in partner nga si Julieto Fuentes, 34 anyos, ug residente sa samang lugar alas 2.00 ang takna sa kaadlawon niadtong Domingo.

Sumala pa sa suspect nga si Julieto nga nabuhat niini ang pag panungab sa iyahang kaipon human nga nag-away matud pa sila tungod kay buot mugawas ug sayo sa biktima aron nga mamalingke ug kakanin apan iyahang gipugngan kay sayo pa kaayu.

Nikuha matud pa ug kutsilyo ang nasangpit nga biktima ug ni aksyon ug dungab kaniya hinungdan nga iyahang gi-ilog apan mideretso matud pa sa iyahang tiyan hinungdan nga nasuko ang suspect ug sa dihang nailog ang kutsilyo iyahang gi-dungab ang iyahang kaipon sa makadaghan nga higayon nga hinungdan sa iyang kamatayon.

Daku man usab ang pagmahay sa suspect nga si Julieto human nga na dunggaban niini ang iyahang kaipon, nadala lang matud pa kini sa kalagot tungod sa na angkon niini nga samad ug daw sa napanuwayan kini hinungdan nga nabuhat ang maong krimen. (Dave Silagan)

Facebook Comments