Liwat nga gintul-id ni pangulong Rodrigo Duterte nga igahatag niya sa mga tumandok sang boracay ang isla sa tion nga matapos na ang rehabilitasyon sini.
Sa speech ni Duterte sa ground breaking ceremony sang AFP-PNP housing project sa Talisay City, Negros Occidental kahapon sang hapon, ginpahayag sini nga luyag niya nga dayunon ang land reform area sa Boracay.
Suno sa iya nga nakaistorya niya si anay pangulong Gloria Macapagal Arroyo kag ginpahayag sini nga indi niya matandaan kon nagpirma siya sang isa ka presidential proclamation nga nagtunga sa duta sang Boracay bilang agricultural kag forest land.
Suno sa Presidente, pabay-an niya nga magatubo ang forestall area sa boracay apang igahatag sang mga tumandok ang iban nga bahin sang isla pinaagi sa land reform program agud makaangkon man sila sang mga propedad.
Suno kay Duterte, hingyuon niya ang bulig sang kongreso agud mahatagan sang pondo ang pag-expand sang land reform.
Photo from web
