DXDC OPERATION TABANG: Donations para sa nasunugan dagsa

Davao City – Nakatigom og gatusan ka mga used clothes ug uban pang mga donasyon pinaagi sa DXDC Operation Tabang gikan sa mga indibidwal nga personal gayod nga nibisita sa sibyaan.

Gi-turn over kini sa DXDC Team ngadto kang Brgy. Daliao Toril Kap. Rodolfo Te alang sa mga apektadong mga pamilya kinsa nasunugan sa may Purok San Jose Waling-waling St., Daliao Toril, Davao City, Enero 9 sa hapon.

Gipaabot sa kapitan ang iyahang pasalamat sa DXDC 621 RMN Davao ug sa tanang mga adunay malumong kasing-kasing nga nihatag sa mga hinabang.


Matud sa kapitan labing gikinahanglan usab karon ang mga toiletries, diapers, sinina sa mga bata ug mga pagkaon kay daghang mga pamilya wala gayuy nasalbar nga mga kagamitan.

Mensahe usab ni Te sa tanang mga apektado nag magmalig-on ug hinaot kini nga mag-amping na ang tanan aron dili na masubli pa ang mapait nga insidente.

Samtang, base sa inisyal report sa City Social Services and Development Office o CSSDO nga adunay 137 dependents o 74 pamilya lakip na 14 ka mga infants ang apektado sa maong lugar.

Dugang niini estimated P1.5M ang damyos sa maong sunog.

RadyoMaN Aimee Guinita

Facebook Comments