Nakadawat ug lain laing hinabang ang mga biktima sa sunog sa Barangay Duljo-Fatima gikan DYHP ug igsoong sibyaaanan sa I-FM kagahapon , Enero 9 .
Ang mga hinabang naglangkob sa bugas-humay , grocery items ug mga sapot nga hinatag usab nga mga donasyon gikan sa mga tigpaminaw sa estasyon .
Ang station manager sa DYHP nga si Atty. Ruphil Bañoc nagpasalamat sa mga listeners nga nihatud sa ilang lain-laing hinabang apil na ang cash alang sa mga nasunugan sa Duljo-Fatima nga nahitabo niadtong adlaw mismo sa pasko , Disyembre 25 sa kadlawon .
Gawas sa mga hinabang , nakapamainit usab ug lamiang lugaw ang mga biktima sa sunog gikan sa Lola Mary`s Catering Services ,partner kanunay sa DYHP sa mga kalihukan sa feeding program.
Sa wa pa ang distribution sa mga hinabang , gilingaw ug gipakatawa una sa mga artista sa DYHP ug usa ka pasundayag ang mga biktima sa sunog .
Kung kahinumduman moabot sa kapin 300 ka panimay ang naugdaw ug 641 ka mga pamilya ang naapektohan sa sunog .
