PATAY ang isa ka 29 anyos nga e-bike drayber matapos ginluthang sang kapin duha tubtob tatlo ka wala pa makilala nga suspek nga naka sakay sa SUV pasado las 6 sini nga gab-i, sa dalan Mabini, Barangay 30 syudad sang Bacolod.
Ginkilala ang suspek kay Johny Lizzo, 29 anyos sang Barangay 40 syudad sang Bacolod. Ini ang nag-angkon sang madamo nga igo sang armas luthang sa iya nawala nga bahin sang dughan nga amo naman ang gintunaan sang iya hinali nga kamatayon.
Suno sa pumuluyo sa palibot sang natabuan sang pag pangluthang, ini sila ang nakabati sang masubra sa anum ka lupok, apang nakita sa eksena sang krimen ang walo ka basiyo sang armas luthang.
Suno kay Police Capt. Elmer Bonilla, hepe sang Police Station 6, si Lizzo ang may pending nga kaso theft kag robbery kag padayon pa nga gina-usisa kun bala ini ang imbolbado man sa iligal nga druga.
[image: image.png]
