Eaeaki aksidenteng hasunggaban it naka motorsiklong pulis samtang naga tabok sa karsada

26

Banga, Aklan – Parehong ginabueong sa hospital rong eaeaking hasunggaban ag ro pulis nga driver it motorsiklong nakasunggab matapos rong aksidente kaina it agahon sa national highway kung Brgy. Linabuan Sur, Banga, Aklan partikular sa atubang it NFA-Aklan.
Ro mga biktima hay nakilaea nga sanday John Niño Jandog, 27-anyos (hasunggaban) residente it nasambit nga lugar ag si PO2 Romel Lopez, 30-anyos it Feliciano, Balete.
Sa imbestigasyon it Banga PNP, nasayuran nga rayang si Jandog hay nagapatabok sa karsada tag aksidenteng hasunggaban ko ginasakyang motorsiklo ni PO2 Lopez nga halin sa banwa it Banga ag paadto sa banwa it Kalibo.
Bangud sa aksidente parehong nakaangkon it mga lastro sa sari-saring parte it eawas rong mga biktima ag insigida gindaea sa hospital it nag rescue nga taga MDRRMO Banga ag Kalibo.

Facebook Comments

From Advertisers