Makato, Aklan – Kulong rong sangka eaeaki matapos nga maaresto kahapon sa ginpatigayon nga entrapment operation it mga kapulisan sa Brgy. Calangcang, Makato, Aklan. Nakilaea rong suspek kay Samuel Francisco, 45-anyos ag residente it Brgy. Silakat Nonok, Lezo Aklan. Ginpatigayon rong operation ko mga katapo it CIDG-Aklan, Pov’l Intelligence Branch, PHPG, ag Makato PNP kung sa siin dakop ro suspek matapos nga magbaligya it homemade 12 gauge shot gun, riffle type sa hayga nga P 7,000.00. Sa ginpatigayon nga inventory may nabuoe pa gid nga 2 ka mga bala it 12 gauge shot gun sa suspek, cellphone ag ro anang gamit nga motorsiklo. Magapangatubang it kasong pagbaylor sa RA 10591 ukon Comprehensive Law oon Firearms and Ammunitions.
Facebook Comments
