KALIBO, AKLAN — Kulong rong sangka eaeaki sa isla it Boracay matapos nga mag bomb joke kahapon.
Rong supek nakilaea kay SUJE NEGRIDA y JONTILANO, 19-anyos ag residente it Agdugayan, Ibajay, Aklan.
Sa report nga si Mr. Jerry Partilasa hay personal nga nag adto sa BTAC ag nag imporma nga may una nga sangka eaeaki rong nagsueod sa Pearl of the Pacific Resort sa Station 1 ag nagahinambae nga may bomba sa sueod ag maeopok ano mang oras.
Matapos mabaton ro report nag responde rong kapulisan ag gin verify ro nasambit nga report ag nakita nanda ro sangka eaeaki nga gina buytan it guard on duty nga si Arvin Tunugan ag ginturn over sa mga pulis.
Si Negrida hay nasayuran nga hilong tag matabo rong pag patigyon na it bomb joke.
Temporaryo nga gin detain sa lock up cell it BTAC si Negrida para sa nagakaigo nga disposisyon.
TAGS SUJE DYKR RMNKALIBO NUMANCIA PEARL OF THE PACIFIC
