Kalibo, Aklan – Uwa eon it kabuhi tag mapan-uhan ro sangka eaeaki kaina it aga-aga sa anang kwarto sa Sitio Guba, Brgy. Tigayon, Kalibo, Aklan.
Ro biktima nakilaea kay Glenn Panagsagan, 52-anyos, sintensyador sa bueangan, native it Sitio Hagachac, Brgy Baybay, Makato ag presente nga naga istar sa nasambit nga lugar.
Suno sa gumankon it biktima nga kainang aga-aga nagbugtaw imaw ag gin templahan it kape ro anang tiyo pagkatapos hay nag CR imaw.
Pagbalik nana hay napan uhan nana nga uwa ta nagbangon ag naga hueag si uncle na nga nakaangdan nana nga kon makara hay bugtaw eon anang uncle.
Ana nga gin-adtunan ag ginbuytan ag nasayran nga maeamig eon ag mabakod ro eawas ko anang tiyo.
Insigida man imaw nga nagpangayo bulig sa andang kapamilya ag nag report sa Kalibo PNP ag ginrespondehan it mga taga Kalibo MDRRMO.
Nasayuran nga may masakit nga hapo ag highblood rong biktima.
Uwa man makitai it foul play ro anang kamatayon ag ginakabig nga natural death eamang raya.
