Eaeaki nga nagapabulkit sa kilid it karsada sinunggaban it Revo, na-ospital

10

Kalibo, Aklan — Confined ag nalisdan mag ginhawa makaron sa Aklan Provincial Hospital ro sangka tricycle driver matapos nga sunggaban it REVO samtang nagapabulkit ko kariton it anang tricycle kaina it aga-aga sa Toting Reyes St., Kalibo.

Ro biktima nakilaea kay Aljun Zonio, 22-anyos ag residente it Brgy. Estancia, Kalibo samtang rong driver it REVO hay nakilaea man kay Julius Perez, 34-anyos ag residente it Poblacion, Balete, Aklan.

Tag matabo rong insidente, halin sa crossing Banga-New Washington ro REVO paadto sa may Roxas Avenue.

Nasayuran nga bago matabo rong pagsunggab sa kay Zonio hay una eon nga ginsita it mga pulis nga nagapatigayon it police patrol si Perez bangud nga maistan eang nana sunggabi rong patrol car, naeagyo sa mga kapulisan ag may sangka motorsiklo pa gid nga sangka maistan na sunggabi ag sa anang pag iniwas dikara na hasunggaban ro tricycle ni Zonio ag pati si Zonio kamana man ro sangka establisemento.

Sa makaron hay naka kulong si Perez sa lock up cell it Kalibo MPS para sa nagakaigo nga disposisyon.

Hilong si Perez tag matabo rong insidente.

Facebook Comments