Madalag, Aklan – Patay rong sangka eaeaki matapos nga mabarilan it mga nagresponding miyembro it Madalag PNP kat imaw ra mag-amok ag ginhana nga pang eab-on ro mga pulis kabii sa Sitio Libas,Brgy. Alas-as, Madalag, Aklan.
Rong biktima nakilaea kay Allan Nacuspag Nabiong, 37-anyos ag residente man ko nasambit nga lugar.
Suno kay PMSgt. Rufino Donato Jr., Chief Invest it Madalag PNP ag duty nga investigator kabii nga kabii hay nakabaton sanda it tawag halin kay Marlito Castro it nasambit nga barangay nagapangayo it police assistance bangud nga ro anang magueang hay nagapangayo man kana it bulig ay ro asawa na hay naga amok sa andang panimaeay, naga pang-ayat ag armado it talibong ag sanduko kamana man ginpang eabo ro mga kasagingan ag pati ro mga pamaeay sa lugar.
Insigida nagresponde ro Madalag PNP kaibahan si PMSgt. Donato sa area ag pag-abot nanda sa area hay nabatian eon nanda ro suspek nga nagasininggit it kon sin-o ro maisog hay mag guwa ay pamatyon na.
Dugang pa ni PMSgt. Donato nga hakita siguro it suspek ro hayag ko andang flashlight ay matapos nga sanda manaog sa baesa ay nagtabot pa it suba hay mga 100 meters eon lang ro baeay it suspek hay nagpaeapit ra kanda nga gabot eon ra sanduko.
Ginsinggitian dayon imaw ni Psgt. Jomark Donato nga pundo, pulis ra ag ihaboy ro imong sanduko ugaling magpamati rong suspek ag ana tang ginsaguso nga eab-on.
Bangud nga ginapanan-aw eon ni PMSgt. Donato nga madisgrasya ro anang sambilog nga kaibahan hay iga neutralized na kunta ro suspek pinaagi sa pagbaril sa siki ugaling uwa ta mag eopok ro anang baril, uman imaw nga nagload ag nahabatian siguro it suspek hay imaw eoman ro ginsaguso pero naga inatras imaw pero naapiki imaw ukon naha corner ay bukid sa pihak ag suba sa pihak, inubra nana binaril na ro suspek sa siki gihapon ag pati man ro anang kaibahan hay nakapaeopok man pagtumba na ha insigida man nga gin aplayan nanda it first aid, ginbugkos ra nina ginsakay sa baesa ag gintabok ag ginkarda sa patrol ag gindaea sa Madalag Municipal Hospital ugaling pag-abot hay gindeklara raya ng patay ni Dra. Mary Grace Tumaca.
Rong tama it biktima hay sa siki ag sa abaga nga para kunta mabuhian na ro sanduko.
Ginapatihan nga naubusan raya it dugo nga samtang gina transfer sa hospital bangud nga may kaeayuon ro area ag M16 ro andang gamit.
Para nga indi man mataw-an it malisya rong Madalag PNP gintinguha nanda nga daehon ro asawa it biktima halin sa anda paadto it hospital.
Para man sa patas rong imbestigasyon it Madalag PNP hay igapaidaeom pa rong bangkay it biktima sa post mortem examination ag autopsy examination para masayuran gid kon pila rong tama kamana man ro madaeoman nga imbestigasyon.
Nag patigayon man eon rong SOCO-Aklan it imbestigasyon sa crime scene kamana man rong Police Intelligence Section (PIS) sa pagpanguna ni PMaj. Bernard Ufano.
Samtang na recover pa kaina sa crime scene rong 3 ka empty shell ag sangka sanduko.
