Eastmincom magpabilin nga loyal sa gobyerno

Davao City – Magpabilin nga loyal ang tibuok puwersa sa Eastern Mindanao Command sa administrasyon ni Presidente Rodrigo Duterte.

Kini ang gipaniguro sa tigpamaba sa Eastmincom nga si Major Ezra Balagtey atol sa interbyu sa RMN Davao News Team pinaagi sa telepono.

Suma ni Balagtey nga sento porsento ang suporta sa tibuok puwersa sa sidlakang bahin nga kamandoan sa kasundaloan sa panggobyerno ni Pangulong Duterte.


Dili matud pa musimpatiya o mupaluyo ang Eastmincom sa bisan unsang planong kalihukan sa mga grupo nga kritiko sa gobyernong Duterte.

Gihimo ang pamahayag ni Balagtey kini human gibaharan daan sa Presidente sa iyang arrival speech atol sa iyang paghidangat gikan nasud Jordan ang militar nga mulambigit sa laraw sa mga kritiko nga pahugnoon ang iyang panggobyerno.

Kampante matud pa ang liderato sa Eastmincom nga walay rank and file ug mga opisyal hilom nagsuporta kang Senador Antonio Trillanes, liberal party, ug komunista nga mulusad og ouster Duterte movement sa sunod buwan.

Busa wala na kinahanglan pa dunay ipailawom sa loyalty check ang militar ubos sa Eastmincom ug mag-atubang sa court martial ang mga sundalo nga mulambigit sa paggun-ob sa kasamtangang kagamhanan karon.

RadyoMaN Joel Viray

Facebook Comments