EB Magalona Mayor Marvin Malacon kag pamilya sini nagpositibo sa corona virus

Yara na sa maayo nga kahimtangan karun si EB Magalona Mayor Marvin Malacon kag ang iya pamilya matapos nga nag-positibo sa coronavirus.

Ginkumpirmar sa DYHB ni Atty. Ariel Malunes, abogado sang alkalde, nga yara karun si Mayor Malacon sa hospital kag nagapaayo pa kag mangin ang iya immediate family nga na-infect sang virus.

Suno kay Atty. Malunes, una nga semana sang Agosto sang nagbatyag sang pagpalanakit sang lawas si Mayor Malacon nga ginsundan sang on-and-off nga hilanat, chills kag ubo gani nga nagpa-swab test kag nagpositibo siya sa virus.


Wala naman nagapati si Mayor Malacon nga sa EB Magalona niya nakuha ang virus kundi diri sa Bacolod bangud nagakadto ini diri para sa mga meetings kag iban pa nga aktibidad.

Dugang pa ni Atty. Malunes, duha ka semana na ang nakaligad sang ulihi nga nagpalapit sa munisipyo si Mayor Malacon.

Ginapasiguro naman ni Malacon sa iya constituents nga indi sila mapabay-an bangud yara si Vice Mayor Eric Matulac nga nagapungko karun nga acting mayor.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments