ECONOMIC ZONE | Dumangas Port, pagahimuon nga International Port kag mangin Economic Zone

Nakigsapol si Governor Arthur Defensor Sr. kay Philippine Ports Authority ukon PPA general manager Jay Daniel Santiago agud hambalan ang plano nga pag-develop sang Dumangas port bilang International port kag mangin economic zone.

Ini ang ginpahayag ni Provincial Administrator Raul Bañas sa interview sang RMN Iloilo.

Suno kay Bañas nga plano sang gobernador nga himuon ang Dumangas port bilang International port nga sarang madungkaan sang mga dalagku nga mga barko.


Ini agud makatuga man ini sang madamo nga trabaho sa probinsya sang Iloilo.

Ginpahayag pa ni Bañas nga nakahimo na sang feasibility study ang University of Asia and the Pacific para sa posibilidad nga paghimo sang banwa sang Dumangas bilang economic zone.

Facebook Comments