Educational assistance, magpadayon pa gihapon bisan pa ug ipatuman na ang free tuition sa SUC’s

Bukidnon – Magpadayon pa gihapon ang educational assistance sa mga board members sa probinsya sa Bukidnon bisan pa man nga pirmado na ang balaud nga maghatag ug libreng matrikula sa mga State Universities and Colleges kon SUC’s.

Sa interview sa RMN Malaybalay ngadto kang Board Member Melchor Maramara, gibutyag niini nga magpadayon pa gihapon ang educational assistance nga ilang ihatag.

Gipasabot pa sa board member nga gawas sa tuition fee aduna pa usay uban pang bayrunon nga kinahanglan nga bayran ug looy usab ang mga estudyante kung wad-on kini.


Nidepensa usab kini nga dili tanan mahatagan tungod sa limitadong budget ug dili usab fix ang pondo kada tuig.

Dungan niini nanghinaut pa si Mara-mara nga dili lang unta sa kolehiyo ang free tuition apan ma-apil unta ang high school ilabina nga nadugangan ug duha ka tuig tungod sa K to12 Program.

Gidugang pa nga nindot ang balaud tungod kay mahatagan ug kahigayunan ang mga deserving but poor student nga makatungha.

Facebook Comments