Educational Cash Assistance gidagsa sa ginikanan

55
Davao City – Daghang ginikanan ang miadto sa buhatan sa Department of Social Welfare and Development ning syudad sa Davao aron mag-sumite sa rekisitos sa Educational Cash Assistance (ECA) nga gihanyag sa maong buhatan.

Sa eksklusibong interbyu sa DXDC RMN Davao kang Divina Dogson isip ginikanan, nalipay siya human nakahatag sa requirements sa maong ayuda tungod adunay siyay tulo ka mga anak nga nag-eskwela ug dako kini’g tabang alang kanila nga maong programa.

Subay sa impormasyon gikan sa DSWD, mamahimong magdala og (2) ka photocopies sa mga ipresentang requirements sa DSWD XI office karong August 27, 2022, ihulog kini sa drop box uban sa paglista sa usa ka limpyo nga papel ang pangalan ug birthday sa tanang miyembro sa pamilya, aktibong cellphone number sa nagproseso sa application, ug panginabuhian o source of income.

Human sa mga nasangpit, maghulat na dayon og text message gikan sa DSWD XI alang sa assessment schedule diin ang social workers ang magpahigayon sa interview ug assessment samtang ihatag dayon ang ayuda inig human sa assessment.

“𝗧𝗶𝗺𝗮𝗻-𝗶 𝗻𝗴𝗮 𝗱𝗶𝗹𝗶 𝗽𝗮𝘀𝗮𝗯𝗼𝘁 𝗻𝗴𝗮 𝗻𝗮𝗴-𝗮𝗽𝗹𝗮𝘆, 𝘀𝗶𝗴𝘂𝗿𝗮𝗱𝗼 𝗻𝗴𝗮 𝗺𝗮𝗸𝗮𝗱𝗮𝘄𝗮𝘁 𝗼𝗴 𝗮𝘀𝘀𝗶𝘀𝘁𝗮𝗻𝗰𝗲,” tipik sa pamahayag sa DSWD XI.

RadyoMaN Don Pulayao

Facebook Comments