Electrical short circuit gituohang hinungdan sa Baguio District fire

26

Davao city – Electrical short circuit ang gituohang hinungdan ug gibana-banaang anaa sa 100,000 pesos ang damyos sa nahitabong sunog sa Baguio Elementary School Baguio District, Davao City niadtong adlawng Sabado alas 2:30 sa hapon.

Base sa report sa Police Regional Office kun PRO XI, daling girespondehan sa kapulisan sa Baguio PNP ang sunog ug nagpakitabang sa central 911 ug sa Bureau of Fire Protection sa Calinan.

Sa imbestigasyon sa BFP-Calinan, unom ka mga classrooms sa grade 5 ug 6 ang naugdaw hinuon walay natalang samaran niadtong tungura ilabi na usab nga wala nay klase.

Gideklarang fire out sa kabomberohan ang sunog alas 3:30 na sa hapon.

RadyoMaN Renz Barbarona

Facebook Comments