Davao City – Wala na ma itsura sa orihinal nga porma ang usa ka multicab nga depasaheroan human kini gilamoy sa kalayo alas 12:00 sa kaudtohon kagahapong adlawa.
Sumala sa inbestigasyon sa Lanang Fire Station, nagsugod ang pag-ulbo sa kalayo gikan sa makina nga bahin sa PUJ nga gipanagiyahan ni Leuther Napenas ug gimanehoan ni Johnlery Evanglio, 22 anyos ug nagpuyo sa Budbud Bunawan, Davao City.
Gikan matod pa sa south bound ang PUJ ug mupaingon sa north bound area apan pag abot sa Nova Tierra sa Lanang kalit na lang misilaob ang kalayo hangtud gikaon ang tibuok multicab.
Maayo na lang kay abtik naka iktad ang mga pasahero nga sakay niadtong tungora.
Dugang pa sa inbestigador electrical short circuit ang rason sa pag ulbo sa kalayo sa PUJ.
RadyoMaN Joel Viray
