Electronic registration sa COVID-19 vaccination gilaraw

45

Davao City- Gilantaw sa lokal nga panggamhanan sa Davao ang electronic registration sa COVID-19 vaccination.

Matud ni Dra. Josephine Villafuerte, Davao City’s COVID-19 Vaccination Program head, planong himuon kini pinaagi sa SafeDavao QR or DQR code system.


Matud ni Villafuerte mas matagaan ang mga district health officer o district staff nga matawgan ang mga COVID-19 recipients ug ma-notify sa ilahang mga schedule.

Gibutyag ni Villafuerte nga niarangkada na ang registration sa dakbayan sa Davao alang sa mga residenteng gustong magpabakuna sa COVID-19 vaccines.

Matud niini mamahimong itunol nila ang ilahang mga impormasyon ngadto sa pinakaduol nga health center, barangay health worker o sa barangay nutrition scholars para masulod sila sa masterlist.

Ang nag-edad 18 anyos pataas ang kwalipikadong makaparehistro samtang ang mga buntis dili pweding maturukan sa COVID-19 vaccine.




Ilawom sa Davao City plan, ang mga frontliners, indigents, senior citizen ug mga uniformed personnel ang priority sa COVID-19 vaccine subay sa Inter-Agency Task Force on Emerging Infectious Diseases classification.

(Aimee Guinita)

Facebook Comments