General Santos City—Samdan ang usa ka Driver sa Elf human kining gipusil sa wala mailhing mga suspek alas 7:50 ang takna sa gabie sa may Barangay Sinawal, Gensan.
Biktima giilang si Nestor Apostol, 47 anyos, residente sa Purok 10, Katangawan, Gensan.
Subay sa inisyal nga imbistigasyon sa kapulisan nasuta nga padulong sa may Dressing plant nga nahimutang sa may Cabuay, Barangay Sinawal ang biktima sakay sa gimanihuan niining elf uban ang duha niya ka helper dihang kalit lang silang gitaparan ug duha ka tawong sakay sa motorsiklo.
Kalit silang gipamusil sa mga suspek nga miresulta sa pagkaigo sa biktima sa iyang dunggan ug sa ilong nga bahin.
Paspas usab nga misibat ang mga suspek human sa pagpamusil, samtang ang biktima gidala dayon sa iyang mga kaubanan sa Doctor Jorge Royeca Hospital.
Sa karon ginaatiman pa karon sa iyang attending physician ang biktima samtang ang kapulisan nga sakop sa Police station 2 ang padayon naghimo ug makuting imbistigasyon kalabutan sa insidente.
