Empleyado han Tacloban City Hall, dakop ha gindumara nga buy-bust operation

Arestado an usa nga LGU employee han Tacloban City Hall ha gin buhat nga buy-bust operation han PDEA RO8 ngan 8th MIB, Phil. Army ha Lot 15, Block 5, St. Andrew Subdivision, Brgy. 78 Tacloban City.
Nakilala an suspek nga hi Filemon Ralph Tamayo, usa nga empleyado han Internal Audit Office, 37 anyos, ngan residente han Brgy, 62-B, Harmony Lane Bliss, Sagkahan, Tacloban City. Hi Tamayo in gin kokonsidera kumo high value target han mga otoridad.
Nakuha tikang ha suspek an 11 nga sachet nga gin aaligar shabu nga may kabug-at nga 9.0 ka gramo ngan may estimated value nga P45,000.00 ngan mga drug paraphernalia.
Hi Tamayo in papasakahan hin kaso ha pagtalapas han Section 5 (Sale of Dangerous Drugs), Section 11 (Possession of Dangerous Drugs), ngan Section 12 (Possession of Drug Paraphernalia), han Article II of RA 9165.
Samtang an suspek in temporaryo nga naka paslak ha PDEA RO8 detention facility samtang gin huhulat pa an iya commitment order.

Facebook Comments