Empleyado it ASU-Kalibo Campus, nakit-ang patay sa anang baeay

21

Makato, Aklan – Uwa eon it kabuhi tag makit-an rong eawas it sangka empleyado it Aklan State University Kalibo Campus sa sueod it anang baeay kabii sa Sitio Tigao, Brgy. Poblacion, Makato, Aklan.
Rong biktima nakilaea kay Kirk Tabares Magsisi, 56-anyos it nasambit nga lugar.
Sa pakikipag-angot it RMN News Team sa anang kaeapit baeay nga si Madelyn Reanon, 32-anyos hay nahangawa imaw nga daywang gabii eon nga napan-uhan nana nga uwa naga hayag rong iwag it biktima ag kabii pa gid hay imaw man.
Bangud sa pagkabangat ana nga gintan-aw sa sueod it baeay ag una nanang nakita rong siki it biktima nga nagahamyangon sa eogban ag may dugo sa anang baba.
Insigida rayaon imaw nagpahisayod sa anadang kaeapit ag pati man sa Makato PNP.
Nag request man dayon ro Makato PNP it assistance kung SOCO Aklan para sa dugang nga imbestigasyon ag uwa man makitai it foul play sa kamatayon it biktima.
Si Magsisi hay isaeanhon nga naga istar sa anang baeay ag dati man eon nga na mild stroke.
Sa makaron hay nagapadaeyon pa rong imbestigasyon it mga otoridad angot sa nasambit nga insidente.


Facebook Comments