Empleyado it LGU-New Washington, nadakpan bangud sa pagpaeopok it baril

Kulong sa lock up cell it New Washington MPS rong empleyado it LGU-New Washington matapos nga madakpan kabii sa pagpaeopok it baril sa Sitio Lagatik sa nasambit nga banwa.
Nakilaea rong suspek kay Ladie Magalit, 40-anyos ag residente man it nasambit nga lugar.
Suno kay SPO2 Rowen Cipriano it New Washington MPS, nga naka baton sanda it tawag halin sa mga pumueoyo matapos sanda makabati it eopok it baril sa andang lugar.
Insigida nga gin respondehan it mga kapulisan ag dayon nga ginturo it mga pumueoyo kon sin o rong responsable nga nagpaeopok.
Na recover man it kapulisan rong 9MM nga baril nga gin gamit ni Magalit matapos ana raya nga pinilak.
Nasayuran nga ku nag taliwan nga mga gabii hay gin sueod it manakaw ro baeay ni Magalit ag raya ro gina patihan nga rason kung ham-an nag paeopok raya it baril kabii.

TAGS DYKR LGU-NEW WASHINGTON KASAMANG DANTE RMN DYKR BARIL LAGATIK SPO2 ROWEN CIPRIANO

Facebook Comments