Engkwentro nagluntad sa tunga sang Militar kag NPA sa banwa sang Moises Padilla

Naglawig sa kapin 15 minutos ang pagbayluhanay sang luthang sa engkwentro nga natabo sa tunga sang 62nd Infantry Battalion kag ginapatihan katapo sang New Peoples’ Army mga las 9 sang aga, Agosto 13 sa Sitio Uway-uway, Barangay Quintin Remo banwa sang Moises Padilla.

Kapin sa 15 ka katapo sang ginapatihan myembro sang NPA ang tigayon nga na engkwentro sang nagresponde nga tropa militar matapos nga may nagpahibalo sang presensya sang armado sa lugar.

Matapos ang kinse minutos nga pagbayluhanay sang luthang, nagpalagyo naman ang katapo sang armado nga NPA sa nagkalain-lain nga direksyon kun sa diin nakita ang mga tinulo sang dugo kag napatihan may mga pilason sa mga armado nga rebelde suno sa militar.


Wala naman sang casualty ukon napilasan sa hanay sang tropa sang gobierno.

Natigayon naman nga ma-recover sang 62nd IB ang duha ka kaldero nga may kan-on, cellphone, headlight kag flashlights kag iban pa gid nga dokumento kag pagkabutang.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments