Environment Group Niawhag Sa Mga Kandidato Pag-Apil Sa Isyu Sa Kalikupan Sa Ilang Plataporma

CEBU – Gilusad sa mga environmental advocates sa Sugbu ang Sugbuanong Nagpakabana sa Kalikupan (SNK) aron palig-onon ang ilang adbokasiya alang sa pagprotektar sa kinaiyahan .Ang Oceans campaigner sa Greenpeace Southeast Asia-Philippines nga si Vince Cinches nibutyag nga 2,000 ka volunteers ang magsul-ob ug costume aron pahinumduman ang mga kandidato nga hatagan usab nila ug pagtagad ang isyu sa kalikupan.Ang maong mga volunteers ipakatap atol sa Visayas leg nga presidential debate sa Sugbu karong Dominggo anha sa UP-Cebu sa Lahug.Magsul-ob sila ug costume nga magrepresentar sa mga hayop ug tanom aron pahinumduman ang mga kandidato sa kamahinungdanon sa pagprotektar sa kinaiyahan. (KHEN GALINEA)

Facebook Comments