Epekto sa eleksyon sa COVID-19 cases, mahibaw-an sa sunod 2 ka semana

Davao City – Nagpabiling ubos ang Coronavirus Disease 2019 (COVID-19) positivity rate sa Davao City matud sa Davao City COVID-19 Task Force (TF).

Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), nga mahibaw-an sa sunod nga duha ka semana ang epekto sa May 9, 2022 Elections sa COVID-19 cases.

Sa datos sa Department of Health (DOH), niadtong May 8, 2022, zero case sa COVID-19 ang Davao City. Niadtong May 9 o mismong adlaw sa eleksyon, nagbaton og 3 ka kaso ang syudad. Samtang kagahapong adlawa (May 11, 2022), usa ka COVID-19 case lamang ang natala.

“Nagpabilin man gihapong mubo ang atong positivity rate pero ang anticipation of the effects sa kadtong nilabay nga election will be felt siguro after two weeks because of the incubation period,” gibutyag ni Schlosser.

Nanghinaut si Schlosser, dili magbaton og surge, apan kung kini mahitabo man, giawhag niini ang tanan ilabina kadtong unvaccinated individuals nga magpabakuna na ug magpa-booster batok COVID-19.

Dugang sa health official, paigo ang bakuna sa City Government of Davao ug halos tanang brands sa bakuna available sa mga vaccination sites nga abli gikan Lunes hangtud Sabado.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments