Epekto sang El Niño, posible nga mabatyagan na sa masunod nga bulan

215

Nagpaandam ang Philippine Atmospheric, Geophysical and Astronomical Services Administration o PAGASA sa mangin epekto sang El Niño sa pungsod sa mga masunod nga binulan.

Suno kay DOST Disaster Risk Reduction and Climate Change Undersecretary Renato Solidum, posible nga sa bulan sang Mayo, ginabulubanta may 33 ka probinsiya ang maka-eksperyensya sang “meteorological drought” o mas gamay nga ulan kaysa sa normal.

Suno naman kay Dr. Esperanza Cayanan sang DOST-PAGASA, kinahanglan nga i-monitor sang mga Local Government Units (LGUs) ang mangin epekto sang El Niño sa ila lugar nga nasakupan.

Sa karon, “weak El Niño” pa lang ang nakita sang mga eksperto.

Ginpasiguro sang PAGASA nga padayon ang ila paghatag sang impormasyon angut sa El Niño sa mga masunod nga semana para makapreparar ang pungsod sa mangin epekto sini.

(pctto)

Facebook Comments