Escobal: Internal cleansing prayoridad

41

Davao City – Pormal nang milingkod si Brig. Gen. Filmore Escobal isip bag-ong Regional Director sa Police Regional Office (PRO) 11.

Kini subay sa gihimong turn over of command sa sa PRO-XI diin hulipan ni Escobal si outgoing Regional Director, Brig. Gen. Marcelo Morales nga gipahigayon sa PRO 11, Camp Sgt. Quintin M Merecido, Buhangin, Davao City, adlaw’ng Martes.


Sa iyang inaugural speech, positibong gidawat ni Escobal ang hagit kaniya sa PNP head nga ipadayon ang maayong performance sa PRO 11.

Gipaniguro niini nga ipadayon ug suportahan niini ang kasamtangang mga programa ni Morales pinaagi usab sa suporta sa mga personahe sa maong opisina.

Segun ni Escobal nga ginatutukan usa nila karon ang internal cleansing sanglit kini mao ang direktiba kanila sa OIC chief PNP.

“Kailangan na muna naming linisin ang aming hanay and this is the directive of the OIC chief PNP and the president dahil meron itong effect sa aming campaign anti-criminality, anti-illegal drugs, at anti-terrorism,” saysay niini.

Si Morales ma-assign na isip hepe sa Police Security and Protection Group (PSPG).

Una nang gi-anunsyo ni PNP OIC Pol. Lt. Gen. Archie Francisco F. Gamboa nga dili exempted sa tulo ka bulan nga probationary ang kasamtangang nakalingkod sa katungdanan human sa krisis nga ginaatubang karon sa PNP.

RadyoMaN Jason Amisola

Facebook Comments

From Advertisers