Eskwelahan gilungkab

21

Davao City- Gilungkab ang usa ka eskwelahan sa wala mailhing suspetsado alas 8:30 kagabii natigayon sa M.L Quezon Elementary School sa dakbayan sa Davao.

Hinungdan nidangop sa presinto uno sa Sta. Ana PNP ang usa ka ginganlang Elmer Cabigas, 40 anyos, usa ka public school teacher sa nasampit nga tulonghaan.

Matud pa sa maong magtutudlo nga iya nalang nadiskobrehan nga guba na ang purtahan sa maong eskwelahan.

Nakawat sa mga kawatan ang multi-media package items, usa ka computer set, napulo ka Samsung printer, tulo ka unit nga ISL voice amplifier ug lain pang lima ka unit sa uniflex ug usa ka unit sa cassette.

Hinungdan ang naasoy nga magtutudlo way nahimo niadtong tungora gawas lamang sa pagdangop sa presinto sa kapulisan aron usab niya paimbestigahan.

Samtang wala pa usab masayri kun pila ang kantidad sa gipangkawat sa wala mailhing suspetsado.

RadyoMan Don Pulayao

Facebook Comments