Espenido balik trabaho na sa Bacolod pulis

40

BACOLOD gintawag nga “SHABULIZED CITY”, ini ang gin-anunsyar sa Press Conference kaina sa katapo sang media ni Deputy City Director for operations Police Lt. Col. Jovie Espenido bangud mahapos ukon very easy ang pagbakal sang iligal nga druga sa syudad kag base man sa mga nakumpiskar nga druga sa drug operation sang mga kapulisan.

Ini ang naghatag sang 15 ka adlaw nga ultimatum sa tanan nga mga personalidad nga imbolbado sa iligal drugs nga kun mahimo magpadulong sa iya nga talatapan para maghinun-anon kag mag kooperar kun sin-o ang mga protector ukon sa likod sa pagpalapta sang druga sa syudad kag sa probinsya. Naga-apelar man si Espenido sa mga elected opisyals nga imbolbado sa iligal nga druga nga mag-untat na sa iligal nga hilikuton.


Iya man ginahingyo sa mga stakeholders, religious sector kag ilabi na ang Local Government Unit (LGU) nga magbinuligay para sa kampanya sa iligal nga druga.

Dugang pa ni Espenido nga ini ang may kabudlayan sa iya pagpatigayon sang operasyon bangud sa kakulang sa logistics nga gin hatag sa iya, ilabi na ang salakyan nga pagagamiton, gasolina, pagkaon samtang nagapatigayon sang operasyon kag reward money sa mga tawo nga makabulig tudlo sa mga drug personalities.

Samtang nagapati ini nga magaguwa gid ang kamatuoran kun sin-o ang may kahimuan sa mga iligal drugs operation bangud ini ang nagasalig nga may yara sang Diyos nga magagiya sa iya nga hilikuton sa kampanya kuntra druga.

[image: image.png]

Facebook Comments