Espenido, waray magpakita ha hearing ha kaso nga ginpasaka kontra ha iya ni Richard Gomez

TACLOBAN CITY – Waray magpakita ha hearing ha National Police Commission (NAPOLCOM) ha Tacloban City hi PCInsp. Jovie Espenido durante han kaso nga ginpasaka ha hiya ni Ormoc City Mayor Richard Gomez.

Mahihinumduman nga ginpasakahan ni Gomez hi Espenido ngan duha pa hin Administrative complaint of grave misconduct, grave abuse of authority, dishonesty ngan pagtugot ha upat nga mga preso nga ada ha ira kostudiya nga bumiyahe ha Ormoc bisan may court order ngan ha pagdawit ha alkalde ha Espinosa Drug Syndicate.

Sumala han abugado ni Gomez nga hi Atty. Alex Avisado, hira in naghahangyo ha NAPOLCOM nga ig-waive an katungod ni Espenido nga mag presentar hin ebedensya. Mag -susumiter naman an panig ni Gomez hin position paper ngan case for resolution.


Ha usa nga press conference, ginhahangyo ni Avisado ha NAPOLCOM nga i-dismiss hi Espenido ha serbisyo ngan magpasaka pa hira hin kadugangan nga kaso antis waray pa hustiya an mao kaso.

Facebook Comments